إصابة عمّال في معمل بالعاصمة بفيروس كورونا و الإدارة تهدّدهم بالطرد في صورة تداول المعلومة خارجه

إصابة عمّال في معمل بالعاصمة بفيروس كورونا و الإدارة تهدّدهم بالطرد في صورة تداول المعلومة خارجه

تونس 24: أفاد النائب ياسين العياري بأن معمل بسكويت في العاصمة قد سجل إصابات بفيروس كورونا و ان الإدارة هددتهم بالطرد في صورة الحديث في الموضوع ،و أضاف العياري في تدوينة نشرها على حسابه الشخصي بالفايسبوك بأنه اتصل بوزير الصحة لمتابعة الموضوع و هذا نص التدوينة:

حول معمل بسكويت سيدة (مروان مبروك) في مقرين الي تواترت أخبار إنه فيه عملة مرضى بالكوفيد ربي يشفيهم و الإدارة متع المعمل تهدد فيهم بالطرد لو تكلموا على الموضوع، و الأمر خطير، على صحة بقية العملة أولا، و على صحة التوانسة الكل (معمل مواد غذائية). تواصلت هذا الصباح مع السيد وزير الصحة و السيدة وزيرة الصناعة، للإذن بالتفقدات و التثبتات و التحريات اللازمة و القيام بما يلزم لحفظ صحة العملة و التوانسة. السيد وزير الصحة أعلمني للتو، أنه وقع إعلام الأدارة الجهوية للصحة ببن عروس و ستتولى الموضوع. سأواصل متابعة الملف، أولا بأول. #ما_ينفع_الناس #أمل_و_عمل


شنوة رأيك ؟

like
0
dislike
0
love
0
funny
0
angry
2
sad
0
wow
0