الدكتورة أسماء بابا : ردّو بالكم تمرضو خاطر باش تولّيو مجرد رقم يعلنو عليه في بلاغ وزارة الصحة

الدكتورة أسماء بابا : ردّو بالكم تمرضو خاطر باش تولّيو مجرد رقم يعلنو عليه في بلاغ وزارة الصحة

تونس 24 : نشرت الدكتورة أسماء بابا طبيبة امراض الغدد و السكري تدوينة مؤثرة تحدثت فيها عن إهتراء المنظومة الصحية في تونس :

 

منيش مش نقول الكلام الي ينصحو فيكم بيه زعمه زعمه خايفين عليكم .. منيش مش نقلكم توه شدو دياركم ...خاطر الي مجبور مش يخرج ماهوش خارج لقهوة والا سينما والا يحوس ... اما نوصيكم و نوصي روحي ... ردو بالكم على رواحكم تمرضو ... انا مثلا عندي حساسية من paracétamol يعني نتصور لو ابتلاني ربي و مرضت منعرفش اش مش ناخذ دواء .... اما بخلاف هذا ... لينا الكل نقول لازم نردو بالنا... مش خاطر المرض يقتل المرض مش خطير و الاعمار بيد الله.. اما على خاطر احنا مع ناس قاسيين مع المرضى و ما يرحموش !!! يعتبروهم مجرمين و مذنبين ... لو طبيب مرض يسلخوه كيفاش طبيب و مرضت لو مسافر اش لزك و اش جابك و تتشخلع و تجي تضرنا لو عداك حد هذاك جاهل و ما يعرفش يستحفظ و ما شدش داره ... يوليو الناس الكل خايفين منك الناس الكل تنعت فيك و في داركم و عيلتكم بالصبع ... موش من حقك تطلب شي و الا تنقد شي ردو بالكم تمرضو خاطر مش توليو مجرد رقم يعلنو عليه في بيان وزارة الصحة و ينجمو كل مرة يحطوكم تابعين ولاية.. ردو بالكم تمرضو خاطر وقتها لازم تتذكرو جمعة كاملة شكون قابلتو و منين قضيتو و شكون عرضكم و الناس هذيك الكل مش تولي تسب فيكم و نادمة الي هي تعاملت معاكم ... ردو بالكم تعرضو رواحكم خطر انهم يختارو بينكم و بين انسان اخر شكون يعالجو و في شكون يسلمو خاطر ما فمش بلاصة ... ردو بالكم توصلو رواحكم لمرض يخليكم منبوذين و حمل عالدولة و الناس الكل . احنا توه في عالم تقلبت فيه المفاهيم... ربي يحفظنا و يحفظكم "اللهم لا تسلط علينا بذنوبنا من لا يخافك فينا ولا يرحمنا " 


شنوة رأيك ؟

like
2
dislike
0
love
1
funny
2
angry
0
sad
4
wow
0