الدكتور ماهر العباسي : الحامة مثال مهمّ لفهم سلوك "فيروس كورونا"

الدكتور ماهر العباسي : الحامة مثال مهمّ  لفهم سلوك "فيروس كورونا"

تونس 24: نشر الدكتور المختص في الإنعاش ،ماهر العباسي ، تدوينة قال فيها بأن مدينة الحامة يمكن أن تكون نموذجا في التعامل مع فيروس كورونا و هذا نص التدوينة : 

الحامّة : يظهرلي إلي صار في الحامّة مهمّ ياسر باش ندرسوه ونحلّلوه خاطر يورّينا مثال مصغّر على تصرّف الفيروس كيف يتفشى في بلاد .

في أوت الفيروس عرف تفشي سريع جدّا ونهار 19 فمة 339 حالة وأربعة وفايات ورئيس البلدية أطلق نداء إستغاثة وجماعة باش نموتو الكل قالولنا الحامة سي ديجا ماتو الكلّ .

باهي وجماعة الcourbe والpic تنأبو للحامة بهولوكوست كوريني في آخر أوت .

باهي اليوم أحنا 17 سبتمبر ... شفمة في الحامّة ؟ يظهرلي ما فمة شيء .... إي شنوة صار؟؟ كان جات الدولة هذي تحترم روحها ... تتعمل 10 دراسات علمية عالحامة ... عدد الحالات إلي فقنا بيها عدد الي مافقناش شكون تمس كبار صغار مرضى عدد الي رقدو في السبيطار وشكونهم عدد الوفايات وشكونهم وخاصة سرعة تفشي الفيروس اليوم وكان تطلع السرعة هذي طاحت تولي الحامة من أوّل المناطق في العالم الي أثبتت فاعلية المناعة الجماعية ...... آلو آآلو وزارة الصحة y a quelqu’un ?


شنوة رأيك ؟

like
0
dislike
0
love
1
funny
0
angry
0
sad
1
wow
0